Entrugues frecuentes

¿Qué ye NireBlog?

NireBlog ye un sistema pa que cualesquier persona y d'un mou cenciellu puea tener el so propiu Blog, ensin preocupase de nada, amás ye multiusuariu (un Blog pue ser escritu por delles persones), ye personalizable y el so usu ye percenciellu pero al mesmu tiempu con munches posibilidaes.

¿Cuánto cuesta crear un Blog en NireBlog?

Nada, ye dafechu de baldre, namás se podrá incluyir publicidá d'un mou discretu.

Pue camudase l'apariencia del mio Blog

Sí, amás de les plantíes esistentes, pues d'un mou cenciellu camudar l'apariencia del to Blog, Colores, Distribución, Tamañu de lletra, Imáxenes de Fondu... arriendes d'ello, los estilos son compatibles colos de Wordpress Clasic

¿Pueo incluyir publicidá nel mio Blog?

Sí, amás NireBlog tien un sistema afayadizu pa insertar publicidá en delles zonas del to Blog. Tolo que recaudes cola publicidá va ser pa ti.

Yá tengo un Blog, ¿pueo importarlo a Nireblog?

De momentu puen importase tolos Post y Comentarios d'un Blog creáu en Blogger / Blogspot dende'l menú d'Alministración del to Blog. Si'l to Blog ta agospiáu n'otru sistema pues escribinos indicándonos la direición del to Blog y estudiaremos si ye posible.

Del mesmu mou, dámoste la posibilidá d'exportar el to Blog creáu en Nireblog (Posts y Comentarios) a otru sistema, descargándote nun ficheru tol conteníu del to Blog. Esto amás pue servite como Copia de Seguridá.

¿Qué fai falta pa que NireBlog tea nel mio idioma?

Namás ye necesario una persona que faiga la traducción y que s'encargue de dar soporte (contestar entrugues, solucionar duldes) a los usuarios/es nesi idioma. Si t'animes, los únicos requisitos que pidimos ye tener un dominiu importante tanto d'Español como del idioma que decidas traducir, amás de tener esperiencia nel mundu de los Blogs.