Un abadenn kaozeal 'vo a-benn digwener (4.12), e sal ar Gerlenn etre 3 eur ha 5 eur d'enderv. Un degouezh 'vo evit kaozeal a-ziàr-benn ar c'heleier, met ivez a-ziàr kement-tra en deus sachet hoc'h evezh e-kerzh an div sizhun paseet.
Un atelier conversation aura lieu vendredi prochain (4.12) à la salle Sten Kidna, à Auray, entre 15h et 17h. Comme à l'habitude, ce sera l'occasion d'échanger en breton sur l'actualité, ou sur tout autre sujet qui vous aura interpellé au cours de ces deux dernières semaines.

Comments

Comments

A-benn ar gwener 11 12 d’an noz e vo aozet e Pleuwigner, get Kerlenn Sten Kidna, un nozvezh en-dro da lârennoù, troiennoù ar brezhoneg a zre-mañ. Dre kwizzoù àr ar skramm bras peotramant get paperioù bihan, pe c’hoazh dre gomz hepken, e vo tu deoc’h c’hoari, hag e-ser c’hoari, bout soñj en-dro a draoù ho peus bet klevet, pe neuze deskiñ traoù nevez. Ha marse reiñ da glevet d’ar re arall ar pezh ho peus c’hwi klevet ! An emgav a vo da 8 e 30 e sal an Tanin, a-barzh e Pleuwigner. Tammigoù galleg a vo klevet moarvat dre ma vo un c’hoari etre an div yezh met kaset e vo an nozvezh e brezhoneg dreist pep tra. Dait da vout lodek evit tañva trezolioù ar yezh !

Le vendredi 11 12 au soir aura lieu une soirée organisée par le cercle Sten Kidna autour des expressions et tournures du breton d’ici. Par des quizz sur le grand écran ou à l’aide de petits papiers, ou encore seulement par oral, vous pourrez jouer, et tout en jouant, vous souvenir de choses que vous avez entendues, ou alors en apprendre de toutes nouvelles. Et peut-être faire découvrir aux autres ce que vous avez vous-même entendu ! Le rendez-vous sera à 20 h 30 à la salle du Tanin, à Pluvigner. On entendra sans doute du français parce qu’il s’agira d’un jeu entre les 2 langues, mais la soirée sera animée principalement en breton . Venez participer pour goûter les trésors de la langue. 

P.Dréan

Comments

Comments

Petra eo al levr-mañ ma n'eo ket un dastumad eñvorennoù kreizennet war ar vicher ? En e blas e vije bet e-kichen d'an hini 'meus lennet n'eus ket pell 'zo e dastumad "Ar vicher ha Breizh" krouet gant Al Liamm. N'eo ket bet skrivet war-eeun e brezhoneg, avat, daoust ma vije kaoz alies eus ar brezhoneg e-barzh, o vezañ m'eo brezhoneger an aozer ha tomm ouzh ar yezh... komzet nemetken ? ...bet eo Stefan Moal oc'h en em silañ en e groc'hen, hag e tisoñjer eo bet troet al levr gant an naturel ma teu e droidigezh. Labour brav tre.
Skoet on bet gant taolenn al levr er penn kentañ anezhañ : aozet mat eo, gant titloù harmonizet etrezo, hag ur c'hromm oc'h heuliañ ur soñj resis, un diorren bennak : gant ar gwir labour a skrivagner-se 'oan engortoz ag un oberenn lennegeloc'h. N'eo ket skrivet fall met ne ra nemet heuliañ red an amzer evel n'eus forzh peseurt dastumad eñvorennoù. Plijus kenañ eo da lenn daoust ma ne vije ket kalz traoù nevez da zeskiñ evit unan a anavez ar metoù-se tamm-pe-damm dija. Kavet 'n eus din e skrive kalzig war un ton diskouez, evel pa vije c'hoazh war al leurenn : chom a ra a-ziavaez en ur ober van da vezañ "soñjet" : e gwirionez ne ra nemet implijout klichedoù diwar-benn an idantelezh ha gwiskañ ar groc'hen-soner a ijiner e oar gwiskañ. N'eus forzh, lennet vez aes, c'hoarzhet 'vez, hag anavezet tud 'zo e-ser tremen. N'eus ket ezhomm muioc'h evit tremen ur prantad-lenn plijus.

Comments

► Hugh Laurie zo bet lakaet war listenn an dud dibabet evit ar "People choice award 2009". An abadenn ivez.

Hugh Laurie eo an 9 vet den diwar 10 den brudet evit gounit priz an abadenn ar muiañ gwelet.

► Ret e vo votiñ evit ar re a soñj e vo posupl da Hugh Laurie gounit priz an den "seksiañ" er bed (diwar 100). Amañ da 28"

► Orlando Jones vo Marcus, breur Eric Foreman a zo en toull-bac'h. Skignet e vo e miz C'hewrer.

► El lodenn 14 a vo skignet e miz C'hewrer, Lisa a gousko e daou wele (Hini Lucas hag hini Greg ?).

► Jennifer Morisson ne oar ket c'hoazh pevare e teuio en-dro en abadenn.

► Mikael Assiello en deus komzet gant Lisa Edelstein. Goude ul lodenn gouestlet da James Wilson, bez 'vo unan gouestlet da Lisa Cuddy. Ret eo bet d'an daou aktour labourat kalz muioc'h eget boaz. Lâret he deus e vo gwelet noaz, o c'hoari koukou gant un den, pe zaou... gant Lucas emañ peogwir he doa c'hoant da glask bevañ gant un den. Evit ar mare, ne oar ket ma vint asambles un deiz. orin

► Skignet e vo lodenn diwezhañ ar bloavezh 2009 al lun 29 /11. Ret e vo gortoz ar re nevez e 2010.

Comments

Ur bern skeudennoù

Hag ar filmig brudañ :

An teir munutenn gentañ :

Ar filmig deus Kanada a ziskouez muioc'h : James vo operet evit sikour e vignon. Greg a nac'h ezañ en e-gichen evit gwelout anezhañ o vervel.

Comments

      Unnek gwezh ’m eus fariet

      Ha unnek gwezh em eus ouelet

      Unnek gwezh ‘m eus fariet

      Mes m’eus ket bet mouchad ebet !

     Ha setu tapet din ur blez,

     E tip e tap e tralala !

     Rebourset ma laezh àr Meme !

      Ha setu tapet din daou vlez,

     ’Moa sachet àr lost kazh Pepe !

     Ha setu tapet din tri blez,

     ’Moa graet pipich e man gwele !

     Ha setu tapet din pevar blez

     Tennet ma zead àr un depute !

     Ha setu tapet din pemp plez,

     Taolioù kreion àr ‘r c’hanape !

     Ha setu tapet din c’hwec’h vlez

     Roeget rac’h ma levrioù nevez !

     Ha setu tapet din seizh vlez

     Ha torret din ar post-tele !

     Ha setu tapet din eizh vlez

     ’lec’h mont d’ar skol me da vale !

     Ha setu tapet din nav blez

     'Moa kas an oto da Bloue

     Ha setu tapet din dek vlez

     Bountet an tan e ma skol-me !

     Setu me bremañ unnek vlez,

     'Skrapet ur bank e-kreiz an deiz !

     Setu me tuchant daouzek vlez,

     Mechal pezh sotoni ’rin-me ?

                                                                          Ton ha pozioù : Pondiwan

Comments

Gwelet ’m eus ur pikol madam

’tigor dor Porzh-Loeiz get ur bramm !

  Diskan

Ha gwir a-walc’h eo

Ar pezh ’lâran deoc’h,

Punomp ha dibunomp

Un tamm muioc'h !

Goude ’m eus gwelet ur glujar

’Oa é kardellat ur pezh douar !

’Oa é kardellat ur pezh douar

Ur maen-melin c’hoazh doc’h pep gar !

Gwelet ’m eus ivez un c’hwenenn

’h evet ar mor bras èl un tenn !

Pa oan arru en Arzhanoù

’h oa daou vleiz é skarzhiñ ar c’hraou !                                           

Gi a lâre d’an eil egile :       

- Ni ’skarzhay-ni an tachad-se !

Pa oan arru é Montroulez

’h oa teir buoc’h é tebriñ kignez !

Gi a lâre lan o begoù :      

- Tuchant hor bo-ni droug-bo’lloù !

A pa oan arru e Pondi

’h oa deñved é tañsal hardizh !

Ha gi ’lâre en o c’hanenn :

- Dait genomp-ni ’barzh ar gerlenn ! 

Ton : Pondiwan

Pozioù : hengounel (nemet 8&9&10 : Pondiwan)

Comments

En arbenn ag ar gouelioù savet da Gerlenn Pondi e miz Kalañ-Gouiañv hor boa kemeret perzh e Devezh an Taboulin. Setu ar pezh a oa bet savet deomp.

Daoustoc’h mah ouiit anv kement benveg a welit aze ?

Comments

Comments

Setu amañ listenn al levrioù nevez erruet e skourr Kawan Levraoueg Aodoù an Arvor, renket dre di embann. Tu 'zo deoc'h dont da lenn anezho war al lec'h! Al levrioù divloavezh embann a zo bet embannet e 2009.

Voici la liste des dernières acquisitions de l'antenne de Cavan de la BCA, selon les éditeurs. Vous pouvez venir les consulter sur place! Les livres sans date ont été édité en 2009.

Aber

A-youl ar Gwent : arnodskridoù diwar-benn Barzhonegoù gant Roparz Hemon, Pierette Kermoal

An Alarc'h Embannadurioù

Geriadur an Arvor, Per Pondaven (Dastumad Teñzor ar Brezhoneg)

Ar Roc'h Le Roc, Yann Fulub Dupuy

Teod ar balafenned (danevelloù), Manuel Rivas troet gant Mark Kerrain

Teñvalijenn, Mich Beyer

Coop Breizh

Petit dico de la piste en Bretagne, Martial Menard, 2008

Petit dico érotique du breton, Martial Ménard

Petit guide des noms de lieux bretons, Divi Kervella, 2007

Editions du Jasmin

Ainsi disait Grand-mère : Evel-se e levare Mamm-gozh, Frank Lanot (skrid) ha Maryvonne Le Quellec (tresañ).

Emgleo Breiz

Attila e Cabritan, Jean-Christophe Bozec (rummad Roll-diroll)

Buhez ha Fent, Hervé Lossec

Le chant des Sardinières Merhed ar frituriou o kana, Marie-Aline Lagadic

Hentoù ar glad e Penn-ar-Bed

Trivliadoù beaj ur Breizhad yaouank e Kembre 1838-2009 Karned diskouezadeg Maner Kernod (4/04-08/11 2009) divyezhek : brezhoneg kembraeg.

An Here

Geriadur brezhoneg an Here, 2001

Keit Vimp Bev

Bed Alastaaïr, Klervi Ily, Priz ar Yaouankiz 2007

Bravoc'h e vo warc'hoazh, Yann-Fañch Jacq, 2004

Evel ma tro an heol, Yann-Fañch Jacq, 2002

Ur galon re dener, Yann-Fañch Jacq, 2005

Gwrac'h ar Menez, Jean Failler 2005

Heol, mor ha muntr, Laurence Lavrand, 2007

Krampouezh pe pizza? Muriel Le Morvan, Priz ar Yaouankiz 2004

Mevelien an Urzh lodenn 3 Mestr an Tremen, Yann-Fañch Jacq

Raket, Gi Bideau 2006

Tomm eo bet deomp, Yann-Fañch Jacq, 2003

Ar Voul Strink, Stefan Carpentier, Priz ar Yaouankiz 2005

An Urzhiataer hud (lodenn gentañ Ar C'hrac'h), Garmenig Ihuellou, 2007

Rummad Priz ar Vugale 2010

Brezel ar porzh-c'hoari, Uisant Crequer

Evel ki ha kaz, Muriel ar Morvan

Re dev eo Teo, Yann-Fañch Jacq

Yellowcake, Fanny Chauffin

Rummad Priz ar Yaouankiz 2010

6vet-5vet

Abati an aon, Pierre-Emmanuel Marais

War sikour Eleonor, Yann-Fañch Jacq

4re-3de-2vet

Fulennoù war skubellennoù lodenn 3 : Maen Rannou, Yann Gerven

Kest, Kristian ar Braz

Un, div, teir…, Awen Kerin

Al Lanv

Dremmoù Arrasate, Youenn Kervalan

Kernalegenn ur familh 1426-2008, Daniel Kernalegenn

Soner, Yann Meur

Al Liamm

Cheeseburger ha yod silet, Yann Gerven

Dictionnaire Breton/Français-Français/Breton, Roparz Hemon & Ronan Huon, 2005

Minihi-Levenez

Sant Paol Saint-Paul, Alain Marchadour (niverennoù 112-113)

Skol Uhel ar Vro (Institut Culturel de Bretagne)

Les arts plastiques en bretagne : An Arzoù Neuziañ e Breizh, Skol Uhel ar Vro

Skrid

Douaroù gwad, Dido Sotiriou troet gant Alan Botrel diwar ar gresianeg, 2000

Soleil

Les Blondes en Breton : ar Meleganezed, testennoù gant Gaby, tresañ gant Dzack, livioù gant Yoann Guillo ha treiñ gant Divi Kervella

Comments

Ne blij ket re din gouzout re a draoù diwar-benn al levrioù emaon o vont da lenn, met santout a ran 'mije tennet muioc'h eus va lennadenn pa 'mije gouezet kement-se a-raok. N'eus forzh, talvezout a rae ar boan memestra, ha savet ennon c'hoant bras da c'houzout muioc'h diwar-benn Simone de Beauvoir a oa, war a welan, ur plac'h a-benn ! (hag "a benn"...)

Comments

An erer meur

Stummet on get an erer meur a-c’houde un tamm mat 'zo. Chom a ran atav boemet seul gwezh ma welan unan. Me ‘vourra en e feson da nijal. Me ’vourra ivez é sellet doc’htoñ e jiboesaat. 

Beviñ a ra an erer meur e menezioù Eurazia hag ivez e Amerika an Nort. Brav ha bras eo an erer meur : gellet a ra monet betak 2,50m a ledanded a pa vez dispak-kaer e zivaskell. 

Get e bigos kromm e farda didruez àr e breizh : konifled, gadon, huneganed, evned a bep sort, gavred-menez, yourc’hed, bouc’hed-menez, broc’hed, erminiged, kaerelled...

Sevel a raont o neizhioù doc’h tor ar menez peotramant c’hoazh er gwez a-wezhadoù. Daou ererig d’ar liesañ, tri meur a wezh, a zay er-maez anezhe.                                                                                                                                                

Comments

Ma c’honiflig

Ur gonifl am eus er gêr : Luciole a vez graet anezhi. Gwenn-tout eo. Beviñ a ra en ur gavidell hag a zo etre ar salon hag ar gegin.

Meur a wezh e vez tennet er-maez a he loj. Redek a ra neuze e pep lec'h en ti, ha gober a ra sotonioù ivez a-wezhioù. Un taol he doa chaket orjalenn ar pellgomzer ha ne oa ket mui moaiand da bellgomz ken. Taeret-ruz e oa ma zud m’er lâr deoc’h !   

Skloufik a-walc'h eo a-hend-arall : debriñ a ra karot, salad, mais sec'h, foenn ha del kaol. 

Nolwenn

Comments

Filmoù Hayao Miyazaki

Ar c'hastell en oabr

Istoer ur plac'hig eo, anvet Shita, hag he deus un dro-c'hoûg hag a za a Laputa, ur c'hastell er c'houmoul.

Un deiz m'ema Shita en ur c'harr-nij ema lakaet o c'hrabanoù àrnezhoñ get morlaeron an oabr. Neuze e tigor Shita ar fenestr hag e strimp er-maez. Èl mah oa é krapiñ àr un orjalenn setu hi aet ha kouezhel ha faganet. Krogiñ a ra he zro-c'hoûg neuze da lugerniñ ha kouezhel a ra bremañ difonn-difonn. Diskenn a ra mod-se betak ur gêr ma vez gwelet get ur paotr anvet Pazu…

Ma ’peus c'hoant da ouiet hiroc'h, n'ho peus nemet monet da welet ar film !

Beaj Chihiro

Chihiro zo ur plac'hig hag he deus dilojet get he familh. Monet a raont get o hent betak ur c'hoad mes en em vanket o deus : ne oa ket an hent mat ! Derc’hel a raont memestra hag arru a raont get ur riboul. Heuli a ra Chihiro he zud na bout ne faote ket dezhi. E penn ar riboul eh eus ur prad hag e lost ar prad tier-debriñ hag a gennig boued er-maez.

Tud Chihiro a zebr un tamm mes kavout a ra gwell Chihiro monet d'ober un droiad. En un taol e wel ur paotr hag a lâr dezhi monet kuit ac’hanese. Neuze eh a betak he zud mes daet int da vout moc'h ! Monet a ra kuit, spontet. Ur paotr, anvet Haku a ya d'he gwelet, a lâr dezhi monet àr ar pont. Monet a raont neuze ha gwelet a ra Chihiro unan iskis. Derc'hel a ra get hent...

Sur a-walc'h ho peus c'hoant da ouiet ar pezh a zegouezhay àr-lerc'h ? Kerzhit da welet ar film neuze ! 

 Ma amezeg Totoro

Div blac'h vihan eo Mei, 4 blez dezhi ha Satsuki, 9 blez. Un deiz eh aont kuit ag ar gêr evit monet àr ar maezoù get ozad. Ur wezh arru er gêr eh a ar merc'hed d'ar lein hag e kavont loened farsus, duardezed a vez graet anezhe ha ne vourront ket tamm a-grenn ag ar gouloù anezhe.

An devezh kentañ a dremen mat hag an eil devezh eh a Satsuki d'ar skol a pand a he zad da labourat. An enderv-se e kav Mei loened er liorzh. Heuli a ra ar loened-se hag en em gavout a ra get un hent-kuzh. Heuli a ra an hent hag e penn anezhoñ e wel un dra bennak iskis. En touchiñ a ra. Fichal a ra. A-benn ar fin en em astenn Mei ha gwelet a ra ur loen bras. Krapiñ a ra Mei àr ar loen hag e c'houlenn piv eo. Hennañ a respont dezhi ema Totoro…

Ma ‘peus c'hoant da ouiet penaos e troy an traoù, kerzhit da welet ar film !

                                                                                                           Ilan

Comments

Comments

Diwallit, abalamour da nevezenti meziant diellañ Dastum ne vo ket klok pe ne vo ket tu tamm ebet da dizhout dielloù Dastum etre an 23 a viz Du hag ar 7 a viz Kerzu.

Attention, en raison d'une actualisation du logiciel documentaire de Dastum, le site et la base de données seront en partie ou totalement inaccessibles du 23 novembre au 7 décembre.

Merci de votre compréhension.

Comments

3 film nevez :

http://www.youtube.com/watch?v=5-qB9BexhlU

http://www.youtube.com/watch?v=j9Ru2Kti66k

http://www.youtube.com/watch?v=hPuvh4Y2v38

Hag evit ar skeudennoù :

Comments

  Livaj àr gwer

Bourriñ a ran bras ag an arzoù-kaer  ha dreist-holl ag ar livaj àr gwer. Setu penaos e vez graet :

A-gomañs ema ret deoc’h kaout ur c’hreion paper, ur follenn wenn, ur blakenn gwer, un tubad livaj sern ha livaj graet tre evit ar gwer.

Da gentan-rac'h e tresit un dra bennak àr ho follenn. Àr-lerc’h e pegit ar follenn-se get scotch edan ar blakenn gwer. Get ar livaj sern e tresit trolinenn an dresadenn en-dro. Diwallit ! Ne faot ket laoskel toull ebet, mod-arall e viray ar livaj àr-lerc’h. Laoskit da sec'hiñ e-pad un herradig. Ur wezh sec'h e c’hellit liviñ ho tresadenn, en ur bigosat ar gwer get ho parr-liviñ. Laoskit da sec’hiñ hag achu eo !

                                                                                                                                               Aimée 

Comments